Mazahiya ashar in urdu

حجره پڑا ہے سونا اور پیر جی ہیں غائب

حجرے میں کیا ہوا تھا، یہ عرض پھر کروں گا
دولہا دلہن تھے راضی، آیا تھا پھر بھی قاضی

قاضی نے کیا کِیا تھا، یہ عرض پھر کروں گا
عِرق النساء کا نسخہ، مہر النساء نے لکھا

نسخے میں کیا لکھا تھا، یہ عرض پھر کروں گا
شانے پہ جو پڑا تھا، کہنے کو تھا دوپٹہ

کتنا سا تھا دوپٹہ، یہ عرض پھر کروں گا
دونوں تھے روٹھے روٹھے، بیوی میاں ہوں جیسے

دونوں میں کیا تھا رشتہ، یہ عرض پھر کروں گا
لڑکی نے بھی قبولا، لڑکے نے بھی قبولا

دونوں نے کیا قبولا، یہ عرض پھر کروں گا
بے وزن سب تھے مصرعے، شاعر مگر تھا وزنی

شاعر کا وزن کیا تھا، یہ عرض پھر کروں گا

کچھ عرض کر دیا ہے، کچھ عرض پھر کروں گا

پھر عرض کیا کروں گا، یہ عرض پھر کروں گا